العلاقه الزوجيه مش كده … بطلوا خناق بقى

العلاقه الزوجيه مش كده

 هو ليه العلاقه الزوجيه شكلها بقى بالمنظر ده و ليه الازواج اغلب وقتهم و حديثهم يا اما انتقاد لبعض و تناول صفات بعض بشكل شبه دائم و بشكل سلبى.
و لو اخدوا اجازه من انتقاد بعض يجيبوا فى سيرة معارفهم ؟!!

احنا لازم نغير الثقافه دى … لازم نبقى اكثر رغبه فى التعلم والتفاعل الايجابى البناء.

ليه ما يبقاش الحديث محوره حاجه جديده اتعلموها مع بعض او حد منهم اتعلمها وبينقلها للتانى ؟

ليه الزوج ما يحاولش يبدأ يفعل دور القوامه اللى ربنا فطره عليه و يبدأ يبقى قوام فى تعليم و تطوير زوجته وابنائه ؟!

ليه حتى لو الزوج بيمارس هذه القوامه فى تعليم اهل بيته بيعتبرها عافيه وبيعلم بالعافيه و الشخط والنطر ؟!

الى متى سنظل قابعين فى ظلام البعد عن العلم الشرعى الذى يحولنا الى العلم الدنيوى بكل بساطه ويسر ؟!


على فكره …. عشان تكون قوام علميا مع اهل بيتك مش لازم تكون متعلم اصلاً

اكيد انت بتفهم حاجه ولو حتى فى مهنتك بس …..

و على فكره

انا كرجل اول درس ادارى اتعلمته فى حياتى واهم درس الى الان اعمل به كان من عامل لا يجيد القراءه ولا الكتابه.


الا انى لا انسى دوره فى تعليمه لى هذه القاعده  الاداريه التى نفعتنى طيلة حياتى و التى لم افهمها جيدا منه الا بعد مرور 5 اعوام من خبره اداريه
اجعلوا احاديثكم مثمره …. حتى تطرح لكم اجود الثمر وقت الحصاد.

 

اترك تعليقاً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.